अहमदनगर दक्षिणचे खासदार सुजय विखे हे त्यांच्या कार्यशैलीने सर्वत्र परिचित आहेत. तसेच त्यांची विरोधकांवर टीका करण्याची आक्रमक कार्यशैली देखील सर्वश्रुत आहे.
परंतु सध्या नुकत्याच घडलेल्या एका प्रकारामुळे राजकीय वर्तुळाचा चर्चाना उधाण आले आहे.
त्याचे झाले असे की, गुरूवारी खा. डॉ. सुजय विखे जिल्हाधिकारी कार्यालयात आले होते. सध्या सुरु असणाऱ्या विविध राजकरणावर बोलण्यासाठी पत्रकारांनी त्यांना गाठले. पण प्रश्न विचारण्यापूर्वीच त्यांनी आचारसंहितेचे कारण पुढे करत चक्क तोंडावर बोटच ठेवले.
नेहमीच आपल्या आक्रमक आणि बेधडक विधानाने चर्चेत असलेले खा. विखे यांनी पत्रकारांसमोर चुप्पी साधल्याने सर्वाना आश्चर्याचा धक्काच दिला. अन लगेचच सुरु झाल्या राजकीय चर्चा. नाशिक पदवीधर मतदार संघाची निवडणूक सुरू असून आदर्श आचारसंहितेचे पालन करणे गरजेचे आहे, असे कारण देत खा.विखे यांनी तोंडावर बोट ठेवले.
दुसरीकडे काही दिवसांपूर्वी उपमुख्यमंत्री देवेंद्र फडणवीस यांनी नाशिक पदवीधर मतदारसंघाच्या निवडणुकीबाबत पालकमंत्री विखे यांना कानमंत्र दिल्याची चर्चा आहे. तर दुसरीकडे आ. थोरात यांचे सख्खे भाचे सत्यजित तांबे हे नाशिक पदवीधर मतदार संघातून निवडणूक लढत असून त्यावरूनही राजकारण तापले आहे.असे असताना खा. डॉ. विखे यांनी मौन बाळगणे पसंत केल्याने आर्श्चय व्यक्त होत आहे.
