सोशल मीडिया स्टार गौतमी पाटील आणि हा वाद नवा नाही. तिचा कोणताही कार्यक्रम वाद न होता पूर्ण होत असल्याचे चित्र वारंवार समोर येते. गौतमी पाटील यांच्या आणखी एका कार्यक्रमात तुफान राडा झाला आहे. अहमदनगर जिल्ह्यातील राहाता येथे ही घटना घडली असून हुल्लडबाजांना पांगवण्यासाठीच पोलिसांना लाठीचार्ज करावा लागला. हा कार्यक्रम लवकरच आटोपता घ्यावा लागला. गौतमीला मोठ्या बंदोबस्तात कार्यक्रमस्थळाबाहेर न्यावे लागले.
का झाला राडा?
अहमदनगर जिल्ह्यातील राहाता येथे गुरुवारी रात्री गौतमी पाटील यांचा नृत्याचा कार्यक्रम पाहण्यासाठी हजारो लोकांनी गर्दी केली होती. मात्र गौतमीचा डान्स सुरू होताच काही प्रेक्षकांनी तिच्यावर पैसे ओतायला सुरुवात केली. त्यामुळे गौतमीने आपली नाराजी व्यक्त करत डान्स थांबवला आणि माईक हातात घेऊन प्रेक्षकांना गोंधळ न करण्याची विनंती केली. गौतमीने डान्स थांबवल्याने प्रेक्षकांनी कल्ला करत तुफान राडा घातला. अतिउत्साही प्रेक्षकांना नियंत्रित करताना 60 बाऊन्सरसह आयोजकांची चांगलीच दमछाक झाली.
सुरक्षेत गौतमीस कार्यक्रम स्थळावरुन बाहेर नेले
पोलिसांनी हस्तक्षेप करून जमावाला शांत करण्याचा प्रयत्न केला. मात्र, गोंधळ सुरूच राहिल्याने पोलिसांना लाठीचार्ज करावा लागला. प्रेक्षकांची यावेळी धावपळ उडाली. आणि आयोजकांना कार्यक्रम रद्द करावा लागला. गौतमी पाटील गाडीत बसल्यावरही गाडीला घेराव घालण्यात आला. अखेर बाऊन्सर आणि पोलिस कोठडीत कार्यक्रमस्थळाबाहेर गेल्या.
गौतमी पाटील आणि वाद
गेल्या काही महिन्यांपासून लावणी क्वीन गौतमी पाटीलची जोरदार चर्चा आहे. बऱ्याचदा ती विविध वादांमुळे चर्चेत असते. तिच्यावर अनेकदा टीकाही झाली आहे. अलीकडील काळात तिच्या अनेक कार्यक्रमांत गोंधळ देखील झालेले आहेत.
