मासिक पाळीच्या दिवसांमध्ये पोटात दुखणे, पाठदुखी, थकवा आणि स्वभावात अनेक बदल आपल्याला अनेकदा पाहायला मिळतात. त्याचबरोबर पीरियड्समध्ये शरीरात वेदना होत असल्याने आपण बहुतेक वेळा जेवण टाळतो, ज्यामुळे आपल्याला अशक्तपणाही जाणवतो.
पीरियड्समध्ये या सर्व गोष्टी कॉमन असल्या तरी आपली लाइफस्टाइल निरोगी ठेवण्यासाठी पीरियड्सच्या काळात हेल्दी फूडचं सेवन करायला हवं. चला तर मग जाणून घेऊया तुम्हाला निरोगी ठेवण्यासाठी पीरियड्सदरम्यान तुम्ही कोणत्या गोष्टी खाव्यात.
लोहयुक्त पदार्थ
लोहयुक्त पदार्थांमध्ये पहिले नाव दुधापासून बनवलेल्या वस्तूंचे येते. यासाठी तुम्ही रात्री झोपताना गरम दूध पिऊ शकता. त्याचबरोबर गरम दूध प्यायल्याने तुम्हाला खूप रिलॅक्स वाटेल. त्यांच्या सेवनाने तुमच्या शरीरात ऊर्जा येईल आणि पीरियड्सदरम्यान होणाऱ्या क्रॅम्प्सपासूनही आराम मिळेल.
खनिजेयुक्त पदार्थ
मासे आणि चिकन सारख्या मांसाहारी पदार्थांमध्ये भरपूर खनिजे असतात जी आपल्या शरीराला उर्जावान तसेच मजबूत वाटण्यास मदत करतात. याशिवाय जर तुम्ही शाकाहारी असाल तर तुम्ही हिरव्या भाज्यांचे सेवन वेगळ्या पद्धतीने करू शकता.
सूप प्या
मासिक पाळीदरम्यान सूप प्यायल्याने तुम्हाला हलके आणि रिलॅक्स वाटेल. मासिक पाळीदरम्यान जास्त गरम सूप पिणे टाळा आणि हिरव्या भाज्यांच्या मदतीने बनवलेले सूप प्या. तसेच जेवणात सूप किंवा कोणत्याही गोष्टीत जास्त मिरची-मसाले घालू नयेत.
डार्क चॉकलेट खा
डार्क चॉकलेट मुळे तुमचा मूड चांगला आणि पॉझिटिव्ह राहण्यास मदत होते. हे खाल्ल्याने तुमच्या आरोग्यावर कोणताही चांगला किंवा वाईट परिणाम होणार नसला तरी ते खाल्ल्याने तुमचे मन शांत राहील आणि तुमच्या मनात विचित्र विचार येणार नाहीत. त्याचबरोबर डार्क चॉकलेटमध्ये मॅग्नेशियम असते, जे स्नायूंना आराम देते आणि मासिक पाळीदरम्यान वेदना कमी करण्यास मदत करते, असेही म्हटले जाते.
स्मूदी प्या
जर तुम्हाला जास्त खायला आवडत नसेल तर स्मूदीच्या माध्यमातून ही तुम्ही व्हिटॅमिन्सचं सेवन करू शकता. शरीरातील सर्व अशुद्धी दूर करण्यासाठीच स्मूदीचे सेवन केले जाते. त्याचबरोबर पीरियड्सदरम्यान तुम्ही फळे आणि भाज्यांपासून बनवलेल्या स्मूदीचं सेवन करू शकता.
पीरियड्सदरम्यान खाणे तुम्हाला आवडत असेल तर हा लेख शेअर करायला विसरू नका. तसेच या लेखाबद्दल तुमचे मत आम्हाला खाली कमेंट सेक्शनमध्ये जरूर कळवा.
